Where
Madonna tal-Herba, Triq tal-Herba, Birkirkara, Malta View map
Il-pubbliku mistieden jingħaqad mal-atturi għal produzzjoni teatrali (bil-Malti) spirata minn diversi ritwali tal-mewt inkluż il-Qarniża ta’ nhar l-Ewwel tas-Sena, il-maskri b’ras ta’ mewt fil-Karnival, il-Vjatku, it-tbaħħir mad-daqq tal-Glorja u x-xwejħa Għaġuża, li trajbu tagħha kien jinxteħet mill-kampnar għal isfel matul ir-Randan. Bil-kollaborazjoni tal-Parroċċa ta’ Santa Liena, Birkirkara.
Minimum Age
8
Tickets
When
2 Days in June
Description
Il-pubbliku mistieden jingħaqad mal-atturi għal produzzjoni teatrali (bil-Malti) ispirata minn diversi ritwali tal-mewt li se sseħħ ġewwa l-bażilka ta’ Santa Liena ta’ Birkirkara. Ir-ritwali tal-mewt fit-tradizzjoni Maltija insibuhom f’għadd ġmielu ta’ ċelebrazzjonijet matul is-sena: il-Qarniża ta’ nhar l-Ewwel tas-Sena, il-maskri b’ras ta’ mewt fil-Karnival, il-Vjatku, l-inkwatri tal-Mewt it-Tajba u l-Mewt il-Ħażina mdendlin mal-ħitan ta’ ħafna mid-djar Maltin, it-twemmin fis-sħaħar u fl-għajn ħażina, it-tbaħħir mad-daqq tal-Glorja u x-xwejħa Għaġuża, li trajbu tagħha kien jinxteħet mill-kampnar għal isfel matul ir-Randan. Il-produzzjoni teatrali “B’Riħ jew Riefnu” tgħaqqad dawn l-elementi kollha flimkien u tippreżentahom bħala produzzjoni teatrali informattiva u divertenti.
Dan l-avveniment huwa organizzat minn Festivals Malta bħala parti mill-Malta International Arts Festival.
Disclaimer:
Dan il-post mhux aċċessibbli għall-wheelchairs jew persuni li għandhom bżonn xi tip ta’ għajnuna biex jimxu.
Waqt din il-prestazzjoni l-udjenza hija mitluba li timxi minn post għall-ieħor u għalhekk mhux ser ikun hemm siġġijiet disponibbli.
Għalkemm il-prestazzjoni tibda’ fit-8:30PM, l-udjenza mitluba li tkun fuq il-post fit-8PM. Jekk dawn ma jaslux fil-ħin, jista’ jagħti l-każ li ma jkunux jistgħu jidħlu u ma jistgħux jingħataw flus lura għall-biljetti. Il-biljetti ma jistgħux jiġu mibdula.
